BIBBA SVALA

Vegna fjölda áskorana :D

Wed, 25 Jan 2012 19:42:10 GMT

... hef ég ákveðið að prófa að vera á vísi.

Smellið hér : http://blogg.visir.is/bibbasvala/

Flytja eða hætta ?

Sun, 22 Jan 2012 17:19:44 GMT

Svefn : jájájájá
Hreyfing : Eitthvað minna af því
Vigtin : 81

Ég fór ekki á Klifurmótið.    Ástæðan var aðallega tékklisti helgarinnar þar sem ekki einn einasti kross var kominn.    Ég er því aðallega búin að sitja og læra en líka farin að vinna í hlaupaplönum á meðan þvottavélin sér um þvottavinnuna.   Þetta mjakast.
Nú er Blogcentral búið að gefa út viðvörun um að þeir séu að loka svo að ég verð annað tveggja að færa mig yfir á visi.is eða hætta að blogga.    Skoðaði visi.is og er ekkert sérlega hrifin en kannski maður gefi því séns.    Þeir hjá blogcentral lofa því að hægt verði að flytja gömlu bloggin yfir.
Annars væri sniðugt að fara bara að nota kraftana í að skrifa eitthvað af viti.   Kannski skáldsögu eða eitthvað.   Í staðinn fyrir að senda þetta svona út í loftið bara.    Ég held að samanlögð blogg frá mér séu farin að telja ansi margar bækur ef maður reiknar það allt saman.

Sameold

Sat, 21 Jan 2012 18:13:40 GMT

Svefn : 12 tímar
Hreyfing : Nei
Vigtin : 82,1

Nú er ég búin að standa á haus í eldhúsinu mínu í allan dag að búa til hráfæðiskökur af ýmsum toga.
Eftir er að rista nokkur fræ og finna sér eitthvað í kvöldmatinn.    Annars keypti ég eitthvað dítox safasett.   Það er kannski bara nóg ...   .. eða ekki.
Það er góð tilfinning að eiga lager af einhverju sem maður má borða.   Minni hætta á að maður svindli þá.
Ég svaf af mér hlaupaæfinguna í morgun.   Eitthvað þreytt gamla konan :)
Annars er klifurmót á morgun.   Er að spá í hvort ég ætti að drífa mig.   Það þarf alltaf einhver að taka það að sér að vera neðstur á svona mótum.   Ég er alveg til í að fórna mér.   Svo finnst mér líka erfitt að bíða alla leið fram á þriðjudag með að klifra næst.

Dularfullir áverkar

Tue, 17 Jan 2012 20:45:49 GMT

Svefn : 8 tímar
Hreyfing : 1,5 klst. klifur
Vigtin : 80,0

Í gærmorgun vaknaði ég alblóðug í framan og með verk í enninu.    Þegar ég skolaði á mér andlitið komu í ljós tvær langar og djúpar rispur á enninu á mér.
Ég á ekki kött og hvorki ég né Ásgeir sváfum með úr eða skartgrip á hendi.   Neglur voru næstum engar en í tilefni af þessu þá klippti ég upp í kviku.
Hvernig þetta gerðist verður líklega gáta sem aldrei leysist en mér er fyrirmunað að skilja hversvegna ég vaknaði ekki við þetta.   Það hlýtur að hafa verið vont.

keyrt..

Mon, 16 Jan 2012 21:21:28 GMT

Svefn : 7 tímar
Hreyfing :
   11,5 km. hlaupaæfing
   600 m. sund

Ég er aðeins farin að keyra upp álagið í átt að þríþrautarþjálfun.    Ég er að bæta sundi aftan við hlaupaæfingarnar og lengi það smátt og smátt.
Líklega mun ég ekki æfa sundið markvisst þetta árið, heldur ætla ég að láta nægja að vera tilbúin til að synda nógu langt þegar þar að kemur.    Sundið er ekki sérlega gott við bakflæðið.

Auðveldara en ég hélt

Sat, 14 Jan 2012 16:50:39 GMT

Svefn : Jájá
Hreyfing :
    8 km. hlaup
    500 m. sund
Vigtin : 81,4

Það er miklu auðveldara en ég hélt að vera á svona sér mataræði.
Auðvitað getur stundum verið vandamál að finna til eitthvað sem maður má borða og ég forðast veislur og hlaðborð eins og heitan eldinn þessa dagana, en ég er alveg hissa hvað það er samt miklu léttara en ég hélt að stilla sig um að borða það sem maður má ekki.    Þetta er allt í lagi svo framarlega sem það er eitthvað í boði handa mér.     Ég get til dæmis alveg setið og borðað gufusoðið kjöt eða fisk án þess að velta mér mikið upp úr sjálfsvorkunn á meðan allir hinir borða tandoori fiskréttinn sem mér finnst svo góður, gúllassúpu eða kjöt í karrí.    Það vill til að mér finnst bara mjög gott að borða yfirleitt.    Í þessu stríði þá kemur það sér í rauninni vel hvað ég er mikið átvagl.

Á pari .. nema um helgar

Sun, 08 Jan 2012 17:48:48 GMT

Svefn : 12 tímar
Hreyfing : 2 klst. klifur
Vigtin : 80,6

Það er ekkert rosalega erfitt að halda sig við tékklistann sinn í miðri viku því þá lifir maður hvort sem er eftir dagskrá. Það er um helgar sem allt fer í flækju. Mér finnst ég bara nokkuð góð ef ég næ að taka lyfin mín og mæta á þær íþróttaæfingar sem ég ætla mér. Teygjurnar verða svona hipps um happs og kæling á hrygg rýkur út um gluggann. Betur má ef duga skal því að nú bætast við tvær nýjar teygjur á tékklista næstu viku. Brjóstvöðvar og maximus gluteus.

Hálka og hráfæði

Sat, 07 Jan 2012 21:17:22 GMT

Svefn : jájá
Hreyfing : 10 km. morgunæfing í hálkunni
Vigtin : 80,8

Mér var ekki sama þegar við skautuðum af stað yfir bílastæðið hjá sundlauginni á leið okkar í morgunhlaupið í morgun. Það er svo hált að það er næstum því hægt að leiða rök að því að það sé óábyrgt að standa fyrir útihlaupi í þessu færi. Við völdum bílagötuna eins og við gátum og ösluðum snjóskaflana við hliðina á göngustígunum þangað við komum á hlaupabrautina í Smáranum. Tvær innstu brautirnar voru auðar á stórum kafla. Þar var að vísu svolítill snjóskafl á svona 20 metra kafla og svo var stór pollur sem ómögulegt var að komast yfir án þess að rennblotna í lappirnar en við höfðum nógu gott grip til að breyta laugardagsæfingunni í sprettæfingu. Við vorum hissa og ánægðar þegar við komum aftur að sundlauginni eftir 3 x 2000 m. sprettæfingu en umfram allt vorum við nú samt ánægðastar með að vera á lífi í þessu manndráps færi :)
Ég er dottin á kaf í hráfæðisuppskriftir. Mér finnst það alger snilld að það skuli vera hægt að „baka“ heilu terturnar án þess að nota hveiti, smjör eða rjóma. Svo er atriði fyrir mig að eiga eitthvað sætt að borða í frysti eða ísskáp þegar hinir fá sér nammi eða ís. En ég grennist ekki mikið á meðan ég er í þessari tilraunastarfsemi.

Dagur múrmeldýrsins

Thu, 05 Jan 2012 20:09:27 GMT

Svefn : 7 tímar
Hreyfing :
   5 km. morgunskokk
   1 klst. Klifurhús
Vigtin : 80,5   (Laugardalslaug : 78,8 )

Ein af uppáhalds bíómyndunum mínum er Groundhog day.    Hún fjallar um mann sem er fastur í sama deginum.    Á hverjum morgni vaknar hann við sama morgunþáttinn í útvarpinu og á að mæta í upptöku á sjónvarpsfréttaskoti um eitthvað dýr sem ég held að heiti múrmeldýr.
Morgnarnir mínir minna mig svolítið á þessa bíómynd.   Ég druslast á fætur eftir allt of mörg snús og í sturtuna hálfsofandi.   Þegar ég teygi mig í handklæðið mitt styð ég mig við handklæðahengi sem ég gleymi jafnharðan að er ekki ætlast til að maður hangi á og það hrynur ofan í baðkarið með látum.
Nema í morgun.   Þá vaknaði ég klukkan sex til að fara í Hálftímann og vigtun með Evu.   Hálftíminn er hlaupahópur sem hleypur á þriðjudags- og fimmtudagsmorgnum kl. 6:30 frá Laugum.   Svo er potturinn á eftir.    Við vorum einu sinni duglegar að mæta í þessi morgunhlaup en þessa dagana komum við þangað sem gestir á vigtunardögunum okkar sem eru einu sinni í mánuði þegar við erum duglegar.    Það er notaleg tilfinning að geta ár eftir ár gengið að sömu hlutunum óbreyttum.   Þarna er sami kjarninn og var þar fyrir sjö árum síðan, umræðuefnið er svipað og þó að við mætum þarna svona sjaldan núorðið þá nöldrum við ef einhver annar er að nota skápinn okkar.    Þegar allt kemur til alls þá er eitthvað óskaplega kósí við Groundhog day.

Hvíííla :)

Wed, 04 Jan 2012 21:01:18 GMT

Svefn : 10 tímar
Hreyfing : 7 km. síðdegisskokk
Vigtin : 80,5

Náttfatakvöld. Algjör snilld. Maður kemur heim af æfingu, fer í sturtu og svo beint í náttfötin og reynir að ná eins mikilli hvíld og hægt er út úr kvöldinu. Þá verður maður betur tilbúinn í æfingar næsta dags.

Bak-k

Tue, 03 Jan 2012 22:25:24 GMT

Svefn : 9 tímar
Hreyfing : 1 klst. klifur
Vigtin : 80,5

Þegar maður er búinn að vera með bólgur lengi þá er maður eiginlega bara dofinn. Það er ekki fyrr en maður fer að vinna í að losna við þær sem maður finnur verkina. Ég er að fá gamalkunna þreytuverki í bakið og það var rétt svo að ég þorði að fara að klifra eftir vinnu. En ef ég ætla í þennan Ironman í nóvember þá þýðir ekki að hugsa svona. Betra að fara og reyna að gaufa. Verst að það er eiginlega ekki mikið hægt að létta klifuræfingu. Allavega ekki þegar maður er svona semi lélegur klifrari. Klifur ER bara erfitt yfirleitt. Ég fór samt eins varlega og ég gat og hætti áður en ég kláraði mig. Eða það hélt ég. Alveg þangað til ég var komin út í skemmu og ætlaði að fara að taka til hendinni á vinnukvöldi. Þá fann ég að ég var orðin alveg stjörf af þreytu. Ekkert að gera nema snauta heim til sín.
Jæja, tími kominn á að kæla bakið. Búið að krossa við allt hitt á tékklistanum.

Alveg á plani .. ennþá :)

Mon, 02 Jan 2012 20:23:17 GMT

Svefn : 8 tímar
Hreyfing : 7 km. skokk
Vigtin : 80,8

Ég fékk í fyrsta skipti skessuskot í bakið þegar ég var þrettán ára.   Þá var ég að taka vaxtakipp og vann í fiski.    Læknirinn skrifaði upp á bólgueyðandi og verkjastillandi og sagði mér að koma aftur eftir viku ef ég væri ekki betri.   Ég át verkjalyfin í nokkra daga og fór svo aftur í vinnuna.   Eftir þetta gerðist það reglulega að ég fór í bakinu og alltaf var sama meðferðin.
Þegar ég var tvítug fór ég svo til læknis að áeggjan samstarfskvenna minna hjá Ríkisútvarpinu.   Þeim fannst ekki einleikið að svona ung manneskja væri alltaf að drepast í bakinu.   „Fáðu skrifað upp á sjúkraþjálfun“, sögðu þær.
„Við finnum öll til í hryggskekkjunum okkar“, sagði heimilislæknirinn, skrifaði upp á verkjalyf og sagði mér að ég yrði að hreyfa mig meira.    Hann stakk upp á reglulegum gönguferðum.   Þá bjó ég í Hlíðunum og fór gangandi í og úr vinnu niðri á Skúlagötu.    Það sagði ég honum en fékk samt ekki sjúkraþjálfun.
Það var Gerði G. Bjarklind að þakka að ég fékk sjúkraþjálfun.    „Þetta dugir ekki“, sagði hún.   „Nú hringir þú bara í sjúkraþjálfara hjá Sjálfsbjörgu í Hátúninu og pantar tíma.   Svo ferðu til læknisins og segir honum að þú eigir tíma hjá sjúkraþjálfara og að þú þurfir beiðni frá honum“.
Þetta gerði ég og læknirinn gaf sig.
Sjúkraþjálfarinn sagðist aldrei hafa séð svona illa farið bak á svo ungri manneskju.   Hún sagði að ef hún hefði séð mynd af bakinu á mér og hefði átt að giska á aldur eigandans þá hefði hún talið að ég gæti alls ekki verið yngri en fertug.   Sextug væri nær lagi.

Fyrsti dagur ársins er að kveldi kominn og gekk rosalega vel að halda áætlun.   Á bara eftir að teygja aðeins og kæla.
Þá er bara að halda þessu áfram hina þrjúhundruðsextíuogeitthvað dagana sem eftir er af þessu ári.

Planið

Sun, 01 Jan 2012 18:33:47 GMT

Gleðilegt ár !
Venjulega hef ég um áramót setið við smíði nýrra æfingaplana og listað upp háleit markmið næsta árs.    Nema í fyrra, en þá vorum við Ásgeir verslunarstjórar í flugeldasölu og urðum afi og amma á milli hátíðanna og einhvernvegin fór orkan og athyglin í það, sem var hundaheppni því háleit markmið hefðu ekki upp á pallborðið hjá mér þetta árið. Það fór aðallega í að reyna að halda í afganginn af heilsunni.   Stærð afreka voru því algerlega á persónulegan mælikvarða .. eða þannig.
Um þessi áramót er ég ríkari en fyrir ári síðan að því leiti að nú veit ég margt um mína heilsu sem ég vissi ekki þá og ætti fyrir bragðið að hafa betri möguleika til að spila úr því sem ég hef.
Ég er sjálfsagt búin að segja frá þessu áður en fyrir þá sem ekki lásu það þá eru það eftirfarandi hlutir sem hafa verið að valda mér vandræðum :

- Bakflæði : Meðfætt þindarslit sem veldur því að magaopið stendur opið og sullast upp úr því upp í vélinda og hefur farið upp í kok og ofan í lungu þegar verst var.
- Latur ristill : Gerir það að verkum að þegar safnast upp í pípunum þrengir að maganum og þá versnar bakflæðið
- Aukaslög : Eru algengar hjartsláttartruflanir (sérstaklega algengar hjá íþróttamönnum) sem ekki þarf að hafa áhyggjur af ef þau lagast við áreynslu, en það er einmitt þannig hjá mér.

En svo fór ég sumsé til kírópraktors um daginn og þá rifjaðist heldur betur upp gamalt vandamál sem ég er búin að reyna að gera mitt besta til að gleyma.     Ég er nefnilega með snúinn hrygg.
Áður en ég gerðist hlaupari fékk ég reglulega skessuskot og þurfti á svona tveggja ára fresti að fara til sjúkraþjálfara og vera þar í margar vikur eða mánuði til að laga bakverki.
Ég hef ekki fengið skessuskot í 12 ár núna.   Hins vegar þá glymur brakið í hálsinum á mér upp í haus þegar ég hreyfi höfuðið og mér verður alltaf illt í bakinu ef ég vaska upp, ryksuga, skúra eða stend lengi kyrr.   Það var kominn tími til að fara að gera eitthvað í þessu aftur.
Mér brá verulega þegar ég sá röntgenmyndina af bakinu á mér.    Það er svo ljótt að venjulegur leikmaður eins og ég sem er ekki vanur að rýna í röntgenmyndir á ekki bara auðvelt með að sjá það heldur blasir það svo greinilega við að það er ekki hægt að taka ekki eftir því.   Þegar á það er litið að þetta er tækið sem heilinn hefur til að koma skilaboðum til annarra líffæra þá er ýmislegt sem gæti lagast ef maður losnar við bólgurnar sem grassera á milli hryggjarliðanna.    Þetta verður gert með því að koma hreyfingu á bakið, hnykkja, kæla bólgur og gera æfingar.   Skekkjan verður hins vegar ekki löguð.
Ásamt lyfjunum og því að reyna að borða sex máltíðir á dag þá er það orðið svo margt sem ég þarf að muna að í stað þess að vinna í æfingaplaninu varð ég að byrja á að gera neðangreindan tékklista.   Þess ber að geta að inn á það vantar enn allar íþróttaæfingar :

	Mánud	Þriðjud	Miðvikud	Fimmtud	Föstud	Laugard	Sunnud
Morgunn	- 1 sk. Lýsi - 1 nexium - 1 magnesium - 2 sk. Husk	- 1 sk. Lýsi - 1 nexium - 1 magnesium - 2 sk. Husk	- 1 sk. Lýsi - 1 nexium - 1 magnesium - 2 sk. Husk	- 1 sk. Lýsi - 1 nexium - 1 magnesium - 2 sk. Husk	- 1 sk. Lýsi - 1 nexium - 1 magnesium - 2 sk. Husk	- 1 sk. Lýsi - 1 nexium - 1 magnesium - 2 sk. Husk	- 1 sk. Lýsi - 1 nexium - 1 magnesium - 2 sk. Husk
Kl. 10	- Borða - Hálsæfingar Snúa höfði til beggja hliða x 10 - Bakspenna (upp við vegg) 3 x 5 sek. - Teygja soas	- Borða - Hálsæfingar Snúa höfði til beggja hliða x 10 - Bakspenna (upp við vegg) 3 x 5 sek. - Teygja soas	- Borða - Hálsæfingar Snúa höfði til beggja hliða x 10 - Bakspenna (upp við vegg) 3 x 5 sek. - Teygja soas	- Borða - Hálsæfingar Snúa höfði til beggja hliða x 10 - Bakspenna (upp við vegg) 3 x 5 sek. - Teygja soas	- Borða - Hálsæfingar Snúa höfði til beggja hliða x 10 - Bakspenna (upp við vegg) 3 x 5 sek. - Teygja soas	- Borða - Hálsæfingar Snúa höfði til beggja hliða x 10 - Bakspenna (upp við vegg) 3 x 5 sek. - Teygja soas	- Borða - Hálsæfingar Snúa höfði til beggja hliða x 10 - Bakspenna (upp við vegg) 3 x 5 sek. - Teygja soas
Hádegi
Kl. 15	- Borða - Hálsæfingar Snúa höfði til beggja hliða x 10 - Teygja soas	- Borða - Hálsæfingar Snúa höfði til beggja hliða x 10 - Teygja soas	- Borða - Hálsæfingar Snúa höfði til beggja hliða x 10 - Teygja soas	- Borða - Hálsæfingar Snúa höfði til beggja hliða x 10 - Teygja soas	- Borða - Hálsæfingar Snúa höfði til beggja hliða x 10 - Teygja soas	- Borða - Hálsæfingar Snúa höfði til beggja hliða x 10 - Teygja soas	- Borða - Hálsæfingar Snúa höfði til beggja hliða x 10 - Teygja soas
Seinnipartur
Fyrir kvöldmat	- 1 nexium - 1 magnesium - 2 sk. Husk	- 1 nexium - 1 magnesium - 2 sk. Husk	- 1 nexium - 1 magnesium - 2 sk. Husk	- 1 nexium - 1 magnesium - 2 sk. Husk	- 1 nexium - 1 magnesium - 2 sk. Husk	- 1 nexium - 1 magnesium - 2 sk. Husk	- 1 nexium - 1 magnesium - 2 sk. Husk
Kvöldæfingar	- Teygjur - Kæla háls - Kæla hrygg	- Teygjur - Kæla háls - Kæla hrygg	- Teygjur - Kæla háls - Kæla hrygg	- Teygjur - Kæla háls - Kæla hrygg	- Teygjur - Kæla háls - Kæla hrygg	- Teygjur - Kæla háls - Kæla hrygg	- Teygjur - Kæla háls - Kæla hrygg

Í gerjun...

Sat, 31 Dec 2011 00:18:56 GMT

Svefn : 8 tímar
Hreyfing : Nauds. Flugeldasala. Dööö
Vigtin : 80,8

Vinna, selja flugelda, fara á tónleika, læra spænsku.    Dagurinn búinn og Bibba líka.
Það er mikið að gerast og mikið að gerjast þessa dagana.   Margt sem mig langar að blogga um en lítill tími.
Eftir áramót byrjar nýtt plan.   Þá þarf ég að fara að huga að því að auka æfingamagnið.   Um leið og ég eyk það þarf ég að passa mig á að þreyta mig sem minnst á æfingum.    Eiginlega snýst þetta um að hreyfa sig mikið en taka sem minnst á því.   Eintómt gauf á æfingum.   Það er hægt að komast hjá því að taka á því í hlaupi, hjóli og sundi en ekki í klifrinu.   Klifur er í eðli sínu erfitt. Tími samt ekki að sleppa því.
Nú er ég byrjuð hjá kírópraktor.   Verð að muna að segja ykkur frá því....

..

Sat, 24 Dec 2011 12:47:51 GMT

Gleðileg jól :)